Traballando cara a un desenvolvemento sostible
Contamos con certificacións aliñadas cos nosos esforzos por dar un servizo de calidade e prover un ambiente de traballo óptimo e seguro para os nosos empregados.
-
Certificado de calidade
Viaqua dispón dun sistema de xestión da calidade que engade valor á organización e proporciona un marco de referencia para establecer obxectivos nos seguintes ámbitos do seu alcance:
O abastecemento de auga potable e os servizos de xestión asociados (compra, captación, potabilización, almacenamento, distribución, mantemento, contratación, lectura de contadores, facturación, cobro e atención ao cliente), a recolección, depuración e verteduras de augas residuais, análise e control da calidade da auga de consumo humano, auga de piscinas e auga residual e lodo. A elaboración de estudos, anteproxectos e proxectos de enxeñería básica e de detalle do ciclo integral da auga. Xestión de instalacións municipais e de lecer.
O sistema de xestión da calidade en Viaqua está certificado en base á norma UNE-EN-ISO 9001:2015.
-
Certificado ambiental
Viaqua dispón dun sistema de xestión medioambiental a través do cal se asegura o cumprimento dos requisitos legais medioambientais aplicables ao fornecemento do servizo, así como do seu compromiso explícito coa sociedade e o medio, a preservación da biodiversidade e a prevención da contaminación.
A implantación deste sistema de xestión medioambiental é esencial xa que nos axuda a controlar, mediante a súa redución ou eliminación, os impactos que producen as nosas actividades no medio ambiente, logrando unha empresa moito máis sostible, favorecendo o desenvolvemento de tecnoloxías limpas, mellorando o manexo de todos os aspectos ambientais e o cumprimento da lexislación ambiental vixente. A implantación de normas internacionais de xestión ambiental, como a Norma ISO 14001, promove o coidado do aire, a auga e a calidade do solo, e representa unha grande contribución aos esforzos mundiais destinados a conservar o ambiente no que vivimos.
O sistema de xestión medioambiental en Viaqua está certificado en base á norma UNE-EN-ISO 14001:2015.
-
Certificado de xestión da enerxía
A enerxía é un compoñente crítico das operacións da nosa organización e dependendo das actividades pode ser un dos meirandes custos controlables. A mellora do desempeño enerxético axúdanos a maximizar o uso das nosas fontes de enerxía e dos nosos bens relacionados coa enerxía, reducindo así tanto o custo coma o consumo de enerxía. A ISO 50001 proporciona un marco de referencia para que desde a nosa organización fagamos contribucións positivas cara á redución do esgotamento dos recursos enerxéticos e a mitigación dos efectos mundiais do consumo de enerxía, tales coma o quentamento global, ao mesmo tempo que mellora a eficiencia organizativa das operacións relacionadas coa enerxía. O sistema de xestión da enerxía en Viaqua está certificado en base á norma UNE-EN-ISO 50001:2011.
-
Certificado de seguridade e saúde laboral
Viaqua dispón dun sistema de xestión de seguridade e saúde laboral certificado desde 2007, mediante o cal se asegura a mellora continua na aplicación de medidas e o desenvolvemento das actividades necesarias para a prevención dos riscos derivados das actividades dos traballadores, así como o cumprimento da regulamentación vixente. Isto contribúe a crear un ambiente de traballo adecuado, con condicións de traballo xustas, onde os traballadores poden desenvolver a súa actividade con dignidade e onde é posible participar na mellora das condicións de seguridade e saúde. O sistema de xestión de seguridade e saúde laboral en Viaqua está certificado en base á norma ISO 45001:2018.
-
Certificado de seguridade alimentaria
A seguridade alimentaria é un concepto que implica que os alimentos non causen dano ao consumidor cando se preparan e/ou consomen, de acordo co uso previsto. A seguridade alimentaria refírese á existencia de perigos asociados aos alimentos no momento do seu consumo. Como a introdución de perigos para a inocuidade da auga no noso caso pode ocorrer en calquera punto da cadea de produción, é esencial un control adecuado a través de toda a cadea. Así, a inocuidade da auga está asegurada a través da combinación de esforzos de todas as partes que participan no proceso. O sistema de inocuidade en Viaqua está certificado en base á norma UNE-EN-ISO 22000:2018.
-
Esquema Nacional de Seguridade.
Certificado para o Sistema de Xestión de Seguridade conforme ao Real Decreto 311/2022, polo que se regula o Esquema Nacional de Seguridade (ENS), que certifica que Viaqua aplica un sistema de xestión de seguridade da información conforme a dito marco normativo na práctica de monitorización e operación do telecontrol de Viaqua, garantindo a protección, dispoñibilidade e integridade dos sistemas de información utilizados na xestión e supervisión do ciclo integral da auga.
-
National Security Framework.
Certificate for the Security Management System in accordance with Royal Decree 311/2022, which regulates the National Security Framework (ENS). This certifies that Viaqua implements an information security management system in compliance with said regulatory framework in the practice of monitoring and operating Viaqua's remote control systems, ensuring the protection, availability, and integrity of the information systems used in the management and supervision of the comprehensive water cycle.
Certificate of the National Security Scheme (ENS)